ගිණුම්කරණ ප්‍රශ්නවලට කාලය වෙන් කරන හැටි-A/L – Accounting

කොළඹ ඩී. එස්. සේනානායක විදුහලේ ගිණුම්කරණ විෂයභාර ආචාර්ය-ආර්. එම්. රාජරත්න

ගිණුම්කරණය විෂය දැනුම ශිෂ්‍යයන් ක්‍රමානුකූලව ලබාගතයුතුයි. මූලික දැනුම හැම විටම මූලික වශයෙන් ම අවශ්‍යයි. දැනුම වගේම කාලය පදනම් කරගෙන ගණන් සෑදීමට ද දරුවා හුරුවියයුතුයි. පාඩම් කිරීමේ දී වැඩි අවධානය යොමු කළ යුත්තේ කාල කළමනාකරණයටයි. ගිණුම් ප්‍රශ්න පත්‍රයේ දරුවා විෂය මාලාවේ සෑම කොටසක් කෙරෙහිම අවධානය යොමු කළයුතුය.

ඉගෙනීම රසවත් කරගමු!

උසස් පෙල විභාගයත් ලඟ ලඟම එනවා නේද? නංගිලා මල්ලිලා දුම් දමාගෙන පාඩම් කරන කාලෙ. මේ කාලෙට ඉතින් මාත් උසස් පෙල කරපු හැටි මතකෙට එනව.

කොයි කවුරු උනත් පාඩම් කිරීම, විභාග වලට මුහුණදීම වගේ දේවල් එතරම් කැමැත්තකින් කරන දේවල් නෙවෙයිනේ. අවිවේකය, මානසික පීඩනය, නිදිමත, සමහර විට ගෙදර උදවියගෙ වුවමනාවට වඩා කරන උනන්දු කිරීම් නිසා බොහොම අසීරු කාලයක් තමා ඔය කාලෙ.